توهان . فؤادحداد ادخل مش هتندم

توهان .. فؤاد حداد

ما بيفقدكشى المعنى ف التوهان
ولا بين حيطان السجن يا إنسان
حداد وشاعر والحديد بيدوب
من شوقه للعاطفه فى غربة المحبوب
***
وأنا يوم ما زرتك كنت بالأفرول
هربان من المعتقل اللى ما دخلتوش
شايل فى جيبى كلام عن التضحية
لكنى خايف من عنيك تكشفنى
وتبصلى من فوق لتحت.. تكسفنى
تسالنى عن جيل مش مخلص النية
عن سكك الضلال والهبل!!
وشعر شبه الشعر.. مش بنى آدم

قبل المصيبه ما تحصل استأذنت
وقلبى كان ندمان وميت خجل
حسيت ساعتها إن أنا اتبدلت
وما عادش عندى للكلام اسباب
كنى ابتليت بالصدق وانا كداب

طلة عنيك علمتنى الخشوع
فبقيت مريد فى حضرة الصدّيق
ادخل قصايدك فى الليالى السوده
ووقت الضيق
احس نورك فى" دبيب الأمل"
واسرح بشوقى فى انتصار الحياه
وفى التاريخ اللى كان شايب "وشعره اسوّد"
فى هوشى منه وجيفارا وجمال
فى شعب مصر اللى بانى الهرم و السد
وف سجن كان فاتح ع الوطن بوابات!!!

فؤاد حداد

مصري يامغنواتي ونافخ في سكاتي وواقف في الطابور ودايس ع الزنادي في ماسوره فاضيه وخايبه زى الخليفه زناتي ونسمع الحكاوي من القرايب والغناوي اللي يقولك ده راح ومن يومها مجاشي وغيره يقولك ده هج من فقره أو من غباشي وناس تقولك ده مات من حزنه ومايسواشي واللي يقولك خلاص فضها وماترضهاشي

وناس تقولك كفايه بتنحر في الحواشي وخلق دايما بتجري ع الاكل وع المعاشي وناس عماله تعلا وهي ما تستهلاشي وناس بتهري في بدنا وعامله ماشيفاشي و ايه فايده كلامنا في أمه ماتدراشي عايشه تاكل وتنهب في اللحم والمحاشي خليك ياخويا جنبي وطنش وماتنساشي تبلغ كل النظام يروح مايستناشي وقوله عن لساني الله يخرب بيوتكم وبيت الريس بغاشي

sayedoraby1968@yahoo.com[size=18][/size]

زائر

القصيدة منشورة دون اسم صاحبها الشاعر سمير الأمير