منتدي ديني - ثقافي - اجتماعي - تعليمي - رياضي
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 هنقاطع مسلسلات رمضان السنه دى........مين معاى؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
eng_heba

avatar

المساهمات : 26
تاريخ التسجيل : 13/08/2009

مُساهمةموضوع: هنقاطع مسلسلات رمضان السنه دى........مين معاى؟   الثلاثاء أغسطس 18, 2009 8:39 pm

مسلسلات....مسلسلات....مسلسلات
السما بتمطر مسلسلات
مليون مسلسل يتم الاعلان عنهم يوميا
ابليس عامل شغله من قبل ما يتسلسل وسايبلنا رصيد من الملهيات يكفينا طول الشهر
طوووووووووووول النهار تليفزيون..........قال ايه بنسلى صيامنا ...قصدنا بنضيع صيامنا لان الصيام الحقيقى ليس صيام البطن ولكن صيام الجوارح واكيد لما نقضى اليوم امام التليفزيون فيه جارحه من جوارحنا هتفطر ونبقى ضيعنا صيامنا
ونضيع علينا اول فرصه من فرص رمضان "من صام رمضان ايمانا واحتسابا غفر له ماتقدم من ذنبه"
واحد يقوللك لا انا بسمع تليفزيون بعد مافطر مش وانا صايم...
اولا المفروض ان صيام البطن بينتهى بآذان المغرب لكن صيام الجوارح مستمر طول الشهر الكريم حتى بالليل يعنى ما ينفعش جوارحى تفطر بالليل .

وبعدين تعالوا نحسبها....
لوتابعت المسلسل اللى بيبدأ قبل المغرب معناه انى هضيع وقت المغرب و هو الوقت اللى لى فيه دعوه مستجابه "للصائم عند فطره دعوه لا ترد"

خلااااااص يا عم بلاش المسلسل ده
هتابع المسلسل التانى اللى بيبدا بعد المغرب علطول اهوه.. يعنى هدعى المغرب براحتى
هاقولك لا برضه دا معناه انك هتاخر صلاة المغرب "ان الصلاة كانت غلى المؤمنين كتابا موقوتا"ووقت المغرب اصلا ضيق

...خلاص خلاص انا هسمع المسلسل اللى بييجى بعد المغرب بساعه اظن كده بقى عدانى العيب هصلى المغرب فى وقته
اقولك برضه ما ينفعش لان دا معناه انك اما هتفوتك صلاة العشاء فى المسجد وبالتالى التراويح او على الاقل هتتاخر وهيفوتك بداية الجماعه
وبكده تبقى ضيعت تانى فرصه من فرص رمضان "من قام رمضان ايمانا واحتسابا غفر له ما تقدم من ذنبه "
هتقولى طيب انا هروح اصلى التراويح وبعدين بعد مارجع ابقى اسمع اللى انا عاوزه
طيب فين وقت قراءة القران (يل ترى ناوى على كام ختمه)وفين وقت صلة الرحم وفين وقت سماع البرامج المفيده للدعاه والمشايخ
هتقولى خلاص بعد كل دا ابقى اسهر اتفرج على المسلسلات هقولك وتضيع عليك وقت السحر
يقول الرسول صلى الله علية وسلم"إنّ الله تعالى يمهل حتى إذا كان ثلث الليل الأخير ينزل إلى السماء الدنيا فيقول:
هل من تائب فأتوب عليه ؟
هل من مستغفر فأغفر له ؟
هل من سائل فأعطيه ؟ حتى يطلع الفجر " رواه البخاري ومسلم

ايه ده يعنى ولا هننام ولا هنتسلى ليه يعنى؟
اقولك ليه ....
لان دا رمضان عارف يعنى ايه رمضان يعنى اوكازيون حسنات يعنى السنه بفريضه والفريضه بسبعين
يعنى فرص للعتق كل ليله
يعنى "اوله رحمه واوسطه مغفره و اخره عتق من النار"
يعنى ليلة القدر اللى بتعادل 84 سنه عباده
"من قام ليلة القدر ايمانا واحتسابا غفر له ما تقدم من ذنبه"
وشوف رسولك بيعمل ايه فى رمضان
جاء في حديث عائشه رضي الله عنها : " لا أعلم رسول الله صلى الله عليه وسلم قرأ القران كله في ليلة ولا قام ليلة حتى الصباح ولا صام شهرا كاملا قط غير رمضان"
وفي الصحيحين من حديث عائشة رضي الله عنها أن النبي صلى الله عليه وسلم " كان إذا دخل العشر أحيا الليل وأيقظ أهله وشد مئزره " البخاري

يعنى حالة طوارىء فى بيت النبوه
دا لان الرسول صلى الله عليه وسلم كان اعلم الناس بفضل رمضان تعرف تتعلم منه؟
"خاب و خسر خاب وخسر خاب وخسر من ادرك رمضان ولم يغفر له"
يا ترى فى اخر الشهر هتكون خسران ولا كسبان ؟
وياترى المسلسلات هى الطريق للمكسب ولا الخساره
ويا ترى ايه اللى هتستفيده لما تسمع مسلسل ؟المستفيد من المسلسلات هما المنتجين والممثلين والقنوات الفضائيه لكن انت الخاسر الوحيد فى الصفقه لانك ضيعت شهر ما تعرفش اذا كنت هترزق انك تعيشه تانى ولا لا
يبقى ايه العمل؟؟؟؟؟؟
هنقااااااطع المسلسلات السنه دى وهنركز فى العباده
ميييييييين معاى؟؟؟


عدل سابقا من قبل eng_heba في الأحد أغسطس 23, 2009 5:34 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
avatar

المساهمات : 50
تاريخ التسجيل : 13/08/2009
العمر : 42

مُساهمةموضوع: رد: هنقاطع مسلسلات رمضان السنه دى........مين معاى؟   الثلاثاء أغسطس 18, 2009 10:50 pm

أنا معاك مين معنا ؟؟؟




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://manshatsoliman.ahlamontada.com
 
هنقاطع مسلسلات رمضان السنه دى........مين معاى؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منشاة سليمان :: المنتدي :: الصفحة الرئيسية-
انتقل الى: